I want to know about...

2

Núm. 162 sábado, 17 de xullo de 2021

BOP Lugo
Contra o referido acordo, que pon fin á vía administrativa, poderá interpoñerse no prazo de 2 meses, a contar desde a publicación deste anuncio no Boletín Oficial da Provincia, o recurso contencioso-administrativo, na forma e prazos establecidos na normativa reguladora da devandita xurisdicción.
I.- Ordenanza municipal reguladora do réxime de funcionamento da pista de pádel e do prezo público pola utilización das súas instalacións Nova redacción dos Artigos 4, 5, 6, 9 e 12.
Artigo 4.- Control e mantemento das instalacións.

1. Para o control e mantemento da pista de pádel municipal o Concello poderá contratar os servizos dunha persoa física ou xurídica que terá as seguintes labores:

manter as instalacións en debidas condicións de uso.

xestionar o aluguer e cobranza da pista a través da internet, correndo da súa conta os gastos ocasionados pola creación e mantemento da páxina web correspondente.

controlar o acceso ás instalacións.

responsabilizarse da apertura e peche das pistas dentro dos horarios fixados polo Concello, que en principio se fixan en:
Apertura: todos os días da semana ás 9:00 horas.
Peche: igualmente, todos os días da semana ás 02:00 horas.
Artigo 5.-Usuarios/as Poderá utilizar a pista de pádel municipal calquera persoa que o solicite, de acordo co procedemento establecido na presente Ordenanza.

2.

Tipos de usuarios/as:

Socios/as: serán exclusivamente persoas empadroadas no Concello de Begonte que fagan a correspondente solicitude nas oficinas municipais ou mediante a Sede electrónica do propio Concello.
Non socios/as: resto de usuarios/as.

3.

Queda prohibido o uso da pista de pádel:

- Aos/ás menores de idade salvo que se atopen baixo a supervisión e responsabilidade dunha persoa adulta, que será a titular da reserva, excepto no caso dos/as empadroados/as menores de idade, que deberán nomear un adulto/a responsable do correcto uso e coidado da instalación no momento de formalizar a solicitude de socio/a, podendo ademais deste xeito facer por si mesmos/as a reserva.

A aquelas persoas que sexan sancionadas conforme esta Ordenanza e durante o tempo que dure a sanción.

Para dar clases por parte de particulares, salvo aquelas organizadas coa intervención do concello.

Artigo 6.- Aluguer de pista.
Para poder usar a pista de pádel é necesario facer a reserva previa, coa indicación do día e hora, e pagar o correspondente prezo público a través da pasarela de pago online establecida, que emitirá un recibo que servirá como xustificante acreditativo da reserva e do pago.

1.

Os/As usuarios/as deberán portar en todo momento o recibo xustificante da reserva, para poder facer valer o seu dereito ao uso, fronte a calquera que pretenda impedilo.

2.

As reservas poderanse realizar en fraccións dunha hora e media natural, establecéndose como norma xeral un máximo de 2 quendas horarias por usuario/a e día. Este número poderase ampliar sempre e cando o/a usuario/a teña esgotada a primeira das reservas.

3.

Se o/a usuario/a desexa anular unha reserva poderá facelo cunha antelación mínima de 3 horas antes da hora de inicio da súa quenda.

4.

Algunha das persoas que en cada momento estean a utilizar a pista deberá coincidir exactamente con aquela que se atope apuntada no cuadrante de reserva de pista. En caso de non ser así, veranse obrigados a abandonar a mesma.

5.

No caso de que as condicións da pista ou a climatoloxía por choiva intensa non permitan a práctica deportiva, terase a opción de anular a reserva cambiándoa para outro día ou realizar unha solicitude de devolución.

6.

Unha vez que a pista estea cuberta, non haberá opción de cambio ou devolución.

Anuncio publicado en: Num BOP 162 año 2021 17/07/2021
16/07/2021 08:00:00
10:44:55

1.