I want to know about...

5

Núm. 161 mércores, 15 de xullo de 2020

BOP Lugo
2º.- Autorizar á Área de Formación, Ensino e Economía do Coñecemento a realiza-los trámites necesarios para desenvolver o acordo ao que se chegou coa Subdirección de Formación Local do Instituto Nacional de Administración Pública.
As características e contidos específicos destes cursos detállanse no ANEXO desta convocatoria. O citado curso desenvolverase dacordo coas seguintes bases:
1. Obxecto e destinatarios/as. Mediante esta resolución convócanse accións formativas descentralizadas dirixidas ao persoal ao servizo das Administracións públicas, preferentemente o de Administración local, que cumpra os requisitos esixidos no apartado de destinatarios/as de cada un dos cursos, segundo descríbese no anexo.
2. Presentación de solicitudes. Quen desexe participar no curso convocado deberá presentar a correspondente solicitude que será accesible tras a selección do curso ao que se desexa asistir nas seguintes direccións:
www.inap.es/cursos-de-administracion-local e https buscadorcursos.inap.es.
O consentimento do/a superior xerárquico/a enténdese concedido desde o momento en que accede a participar en accións formativas nas que haxa resultado seleccionado/a.
O envío da solicitude telemática debidamente cumprimentada supón a aceptación expresa das normas e procedementos que rexen cada un dos cursos.
3. Requisitos dos/as participantes.- Poderá solicitar a asistencia ao curso convocado o persoal ao servizo das Administracións Públicas, preferentemente o de Administración local, que cumpra os requisitos esixidos no apartado de destinatarios/as de cada curso.
4. Prazo de presentación de solicitudes.- O prazo de presentación de solicitudes rematará o 28 de setembro de 2020.

A proposta para a selección de alumnos/as, realizarase polas entidades colaboradoras, baseándose nos criterios de adaptación dos/as seleccionados/as aos obxectivos do curso.
Os/as empregados/as públicos poderán participar en cursos de formación durante os permisos por parto, adopción ou acollemento, así como durante a situación de excedencia por coidado de familiares, segundo o disposto nos artigos 49 e 89.4 do texto refundido da Lei do Estatuto Básico do Empregado Público aprobado por Real Decreto Lexislativo 5/2015 de 30 de outubro Dacordo co artigo 60 da Lei Orgánica 3/2007, do 22 de marzo, para a igualdade efectiva de mulleres e homes, outorgarase preferencia na selección a quen se incorporou no prazo dun ano ao servizo activo, procedentes do permiso de maternidade ou paternidade, ou haxan reingresado desde a situación de excedencia por razón de garda legal e atención a persoas maiores dependentes ou persoas con discapacidade, co obxecto de actualizar os coñecementos dos/as empregados/as públicos/as. Así mesmo, reservarase polo menos un 40 por cento das prazas nos cursos de formación para a súa adxudicación a mulleres que reúnan os requisitos establecidos, salvo que o número de solicitudes de mulleres sexa insuficiente para cubrir esta porcentaxe.
En aplicación do Real Decreto 2271/2004, do 3 de decembro, valorarase como criterio de selección a quen se atope afectados por unha discapacidade cuxo grao de minusvalía sexa igual ou superior ao 33 %. As persoas con discapacidade que soliciten o curso poderán facer constar tal circunstancia na inscrición, e poderán indicar, así mesmo, as adaptacións necesarias no curso formativo, a condición de que fosen seleccionadas.
6. Réxime de asistencia.- Os/as alumnos/as deberán asistir con regularidade ao curso. Unha inasistencia superior ao 10 % no cómputo total de horas lectivas programadas imposibilitará a expedición da certificación e dará lugar á baixa no curso, coa perda de todos os dereitos.
Os/as alumnos/as seleccionados/as que non observen as regras elementais de participación, respecto e consideración cara a profesores/as, compañeiros/as ou persoal do INAP e, en xeral, que contraveñan o disposto no código ético do INAP que poderá consultarse en www.inap.es/conocenos poderán ser excluídos/as das actividades formativas.
Para o desenvolvemento dos procesos de aprendizaxe, os alumnos contarán co acceso gratuíto a Ágora http agora.edu.es/, a La Administración al Día http laadministracionaldia.inap.es e ao Banco de Conocimiento http bci.inap.es/, así como á Rede Social Profesional https social. inap.es/.
7. Información adicional.- Poderase solicitar información adicional chamando aos números de teléfono 982 260
065 / 982 260 036 da Área de Formación, Ensino e Economía do Coñecemento da Deputación de Lugo.
8. Valoración dos cursos.- Para os efectos previstos no artigo 1, apartado D, da Orde de 10 de agosto de 1994, pola que se dictan normas sobre concursos de provisión de postos reservados a funcionarios/as da Administración Local con habilitación de carácter estatal, en relación co establecido na Resolución de 26 de outubro de 1994 do Instituto Nacional de Administración Pública Boletín Oficial do Estado de 8 de novembro.

Anuncio publicado en: Num BOP 161 año 2020 15/07/2020
14/07/2020 08:00:00
09:26:57

5. Selección.- A Subdirección de Formación Local seleccionará aos asistentes de entre as solicitudes que cumpran os requisitos, atendendo ao perfil dos/as candidatos/as en relación cos obxectivos do curso.