I want to know about...

MARTES, 17 DE AGOSTO DE 2021

N.º 188

XUNTA DE GALICIA
XEFATURA TERRITORIAL DA VICEPRESIDENCIA SEGUNDA E CONSELLERÍA DE ECONOMÍA, EMPRESA E INNOVACIÓN. DELEGACIÓN TERRITORIAL DE LUGO
Anuncio Resolución do 28 de xullo de 2021 da Xefatura Territorial de Lugo, pola que se somete a información pública a solicitude de autorización administrativa previa e de construción, e a declaración de utilidade pública dunha instalación eléctrica no concello de Sober exp. 2020/3 AT
Para os efectos previstos na Lei 24/2013, do 26 de decembro, do sector eléctrico BOE núm. 310, do 27 de decembro e no título VII do Real decreto 1955/2000, do 1 de decembro, BOE núm. 310, do 27 de decembro polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción, e a declaración de utilidade pública, en concreto, da seguinte instalación eléctrica.

Solicitante: UFD DISTRIBUCIÓN ELECTRICIDAD S.A.
Domicilio social: AVDA SAN LUIS, 77, 28033 MADRID
Características técnicas principais:

Liña de alta tensión aérea de 20 kV, cunha lonxitude de 277 m, con orixe en apoio existente 67-B-33 da LMT
MOF805 Peares 5, condutor tipo LA-56 e final no C.T.I. 27AK12 Rosende I.
A declaración de utilidade pública, segundo o sinalado no artigo 56 da citada lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupacion para os efectos do artigo 52 da Lei de 16 de decembro de 1954, de expropiación forzosa BOE núm.
351, de 17 de decembro A relación concreta e individualizada de bens e dereitos afectados que se consideran de necesaria ocupación, figuran no anexo que se insire xunto con esta resolución.
Aquelas persoas ou entidades que se consideren afectadas poderán presentar as súas alegacións nesta xefatura territorial edificio administrativo da Xunta de Galicia en Lugo, Rolda da Muralla 70 referidas ás posibles limitacións á constitución da servidume de paso de liñas eléctricas artigo 161 do Real decreto 1955/2000 e aqueloutras que estimen oportunas no prazo de vinte días hábiles a contar dende o día seguinte ao da última publicación ou ao da notificación individual.
Durante este prazo poderase examinar o proxecto das instalacións nesta xefatura territorial de luns a venres entre as nove da mañá e as dúas da tarde.
Ata o mesmo momento do levantamento das actas previas, os interesados poderán facer alegacións por escrito aos únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do Regulamento da lei de expropiación forzosa BOE núm. 160 do 27 de xuño Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas, BOE núm. 236, do 2 de outubro cando os titulares dos predios propostos sexan descoñecidos, non se saiba o lugar de notificación, ou ben, tentada a notificación, non se puidera realizar e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.
Lugo, 28 de xullo de 2021.- O xefe territorial, Gustavo José Casasola de Cabo.- P.A. O xefe do Servizo de Administración Industrial Art. 36.3 e 37.1 Decreto 230/2020 do 23 de decembro, DOG núm. 5, 11/01/2021, Juan Carlos Morán del Pozo.

Anuncio publicado en: Num BOP 188 año 2021 17/08/2021
16/08/2021 08:00:00
11:22:49

Denominación: LMT DERIVADA ROSENDE I