I want to know about...

4

Núm. 280 sábado, 7 de decembro de 2019

BOP Lugo
Artigo 7. Dos órganos complementarios.
1.- Son órganos complementarios da organización do Concello as Comisións Informativas creadas polo Pleno, a Xunta de Portavoces, as Comisións Especiais e as Comisións de Investigación.
2.- As Comisións Informativas de estarán integradas pola Alcaldía-Presidencia máis os membros que designen os distintos grupos políticos que forman parte da Corporación proporcionalmente á súa representatividade no Concello ou igual para cada grupo, e cuxo caso se aplicará o sistema de voto ponderado.
No caso de existir grupo mixto, participarán nas comisións todas as persoas que o compoñan, sendo obrigatorio o sistema ponderado na emisión do voto. Integraranse tamén neste órgano os concelleiros e concelleiras que teñan a condición de non adscritos, nas mesmas condicións que as persoas do Grupo Mixto.
3.- A Xunta de Portavoces estará formada polo Alcalde ou Alcaldesa e polas portavocías dos Grupos municipais.
4.- As Comisións Especiais serán creadas por acordo do Pleno para o estudo de temas concretos de especial interese. A súa composición terá en conta os criterios establecidos para a Comisión Especial de Contas.
5.- As Comisións de Investigación crearanse por acordo do Pleno cando sexa precisa a investigación dalgún asunto concreto de especial gravidade ou relevancia. A súa composición terá en conta os criterios establecidos para a Comisión especial de contas.
Artigo 8. Dos restantes órganos do Concello.
1.- Son tamén órganos do Concello os Grupos municipais e as súas Portavocías.
2.- Á parte dos órganos citados, o Concello poderá dotarse doutros de carácter sectorial ou específico, como pode acontecer cos consellos municipais relacionados coa lingua ou coa participación veciñal. Estes órganos serán regulados pola normativa relativa a cada materia.
3.- Os Grupos municipais poderanse formar polos concelleiros e concelleiras que resultasen electos en cada unha das candidaturas con representación no Concello.

a O número mínimo dos seus membros será de dúas persoas.
b Os concelleiros e concelleiras elixidas en candidaturas que só tivesen un representante poderán constituirse en grupo propio se así o solicitan ao pleno. En caso contrario pasarán a integrar o Grupo mixto.
c As persoas dunha mesma candidatura non poderán formar máis dun Grupo municipal.
d Os concelleiros e concelleiras que non se integren no Grupo municipal da súa candidatura, ou que a abandonen, serán considerados non adscritos/as.
A consideración dun concelleiro ou concelleira como non adscrito/a non menoscabará, en ningún caso, os dereitos e obrigas que en canto a participación na organización municipal corresponde a todo concelleiro e concelleira, de acordo co artigo 20 da Lei 7/1985 de bases do réxime local.
Singularmente, os concelleiros e concelleiras non adscritos terán o dereito de asistir ás comisións informativas convocadas de acordo co previsto neste regulamento, e terán nelas dereito de voto.
As persoas que pasen a formar parte da Corporación con posterioridade á sesión constitutiva deberán incorporarse ao grupo correspondente á lista que propiciou a súa elección, ou, no seu caso, ao Grupo mixto. De non integrarse en ningún dos grupos existentes, adquirirán a condición de concelleira/o non adscrita/o.
4.- As Portavocías, e no seu caso os seus suplentes, serán elixidos polo Grupo municipal de entre as persoas que os compoñen. No Grupo mixto poderase considerar a todas as persoas que o componen como Portavoces, repartíndose os tempos de intervención ou actuando unha delas como portavoz conxunto, se así o decidiren.
5.- Os grupos políticos municipais constituiranse mediante escrito dirixido á Presidencia e subscrito por todas as persoas integrantes, que se presentará no Rexistro xeral do Concello dentro dos cinco días hábiles seguintes á constitución da Corporación. Poderá outorgarse por parte da Alcaldía-Presidencia unha prórroga de tres días hábiles para tal efecto. Transcorrido ese novo prazo, de non constituírse en grupo, as concelleiras e concelleiros pasarán ao Grupo mixto.
6.- No mesmo escrito de constitución farase constar a designación de Portavoz do Grupo municipal, podéndose designar cantas suplencias se desexe, por orde de designación. A Portavocía de cada Grupo será a encargada de intervir normalmente na deliberación dos asuntos. Nembargante, poderase matizar que por razóns das materias, se delegue a exposición dos asuntos, votos particulares etc., a favor de calquera membro do Grupo.
Da constitución dos grupos políticos, das persoas que os integran e das Portavocías, a Presidencia dará conta ao Pleno na primeira sesión que se celebre.
7.- As modificacións respecto á Portavocía ou suplencias serán efectivas desde a presentación do escrito no Rexistro xeral. En consecuencia, na vindeira sesión plenaria que se celebre fixarase a toma de coñecemento como
Anuncio publicado en: Num BOP 280 año 2019 07/12/2019
05/12/2019 08:00:00
14:25:47

Á hora da súa configuración rexeranse polas seguintes indicacións: