I want to know about...

2

Núm. 147 venres, 28 de xuño de 2019

BOP de Lugo
Documentos e antecedentes que se consideren de interese para o coñecemento da súa dimensión literaria ou científica.
Cinco exemplares do traballo co que se opta ao premio, no caso de que a proposta se basee nunha obra ou produción singular concreta.
No caso de agrupacións e institucións, un exemplar do regulamento ou dos estatutos polos que se rexan, e unha relación das tarefas levadas a cabo en relación co obxecto do premio.
4.2.- A presentación de candidaturas realizarase no prazo de tres meses, que se contarán a partir do día seguinte ao da publicación desta convocatoria no Boletín Oficial da Provincia de Lugo.
Esa publicación realizarase tamén nos boletíns oficiais das provincias de A Coruña, Ourense e Pontevedra, no Diario Oficial de Galicia, e nos diarios de máis difusión da Comunidade Autónoma.
4.3.- A presentación da candidatura determina a aceptación íntegra das condicións desta convocatoria e das contidas no regulamento do premio.
4.4.- Despois de que remate o prazo a que se refire o apartado 4.2, a Secretaría da Deputación de Lugo expedirá unha certificación das propostas presentadas que, xunto con elas e coa documentación correspondente, pasarán ao xurado do premio, para que todas as persoas que forman parte del as coñezan con antelación suficiente á reunión de deliberación.
4.5.- A cada solicitude ou proposta xuntaranse cantos documentos se xulgaren de interese para o mellor coñecemento do/a candidato/a.
5.- Xurado e actuacións.5.1.- Para adxudicar este premio, constituírase un xurado integrado por:

Vicepresidencia: a persoa titular da Presidencia da deputación que convoca o premio, que este ano lle corresponde á Deputación de Lugo, ou persoa en que delegar.
Vogais:
Os/as presidentes/as das tres deputacións restantes ou persoas en que delegar.
O/a presidente/a da Comisión de Cultura da deputación convocante, ou persoa en que delegar.
O conselleiro de Cultura da Xunta de Galicia, ou persoa en que delegar.
Unha persoa representante de cada un dos seguintes organismos:
a Universidade de Santiago de Compostela.
b Universidade de Vigo.
c Universidade da Coruña.
d Real Academia Galega.
e Instituto Padre Sarmiento de Estudios Galegos.
f Fundación Otero Pedrayo Cinco persoas de recoñecida autoridade científica e literaria, designadas unha pola Xunta de Galicia e as restantes, unha por cada unha das deputacións.
Procurarase a paridade de xénero nas persoas que forman o xurado.
Secretaría: con voz e sen voto, a secretaria da Deputación de Lugo, ou persoa en que delegar.
5.2.- O xurado constituído emitirá o seu ditame no mes seguinte ao día que remate o prazo de presentación de candidaturas, e a súa actuación suxeitarase ao determinado nos artigos 4.2 a 4.6 do regulamento do premio.
5.3.- Da actuación do xurado e da adxudicación do premio redactarase unha acta detallada que, asinada polas persoas que o conformaren, coa totalidade das documentacións presentadas, pasará ao coñecemento do Pleno da Deputación de Lugo na primeira sesión que tiver lugar.
5.4.- As copias da acta e dos demais antecedentes que cumpriren para o coñecemento da tramitación do premio, remitiránselles ás deputacións de A Coruña, Ourense e Pontevedra.
6.- Entrega do premio.A entrega do premio será realizada no lugar e a data que determine a Presidencia da Deputación de Lugo, nun acto solemne e coa asistencia dos/as membros da Corporación provincial e do xurado, así como de personalidades galegas das artes, letras e ciencias.
Xunto co premio, a persoa ou entidade que resultar galardoada, recibirá una copia da acta da reunión do xurado.

Anuncio publicado en: Num BOP 147 año 2019 27/06/2019 12:13:29
28/06/2019 08:00:00

Presidencia: O presidente da Xunta de Galicia, ou persoa en que delegar.