I want to know about...

2

Núm. 202 martes, 3 de setembro de 2019

BOP de Lugo
Artigo 6.- PUBLICIDADE DO CONVENIO
As empresas de ámbito deste convenio terán que ter exposto nos seus centros de traballo un exemplar do mesmo para debido coñecemento de todo o persoal.
CAPÍTULO II
CONTRATACIÓN E EMPREGO
Artigo 7.- CRITERIOS XERAIS
As partes asinantes do presente Convenio consideran como obxetivo prioritario o mantemento do emprego e a creación de novos postos de traballo comprometéndose a propiciar dentro de marcos negociados as medidas necesarias para a consecución do dito obxetivo no conxunto das empresas do sector.
Artigo 8.- CONTRATO DE TRABALLO
A iniciación da prestación de servicios por parte do traballador/a na empresa realizarase o través do contrato escrito cando así o impoña norma legal.
Da mesma forma, formalizaranse por escrito as comunicacións de prolongación ou ampliación dos contratos de traballo cando unha norma legal así o impoña.
Farase constar no contrato de traballo o contido xeral das condicións que se pacten. En todo caso considerarase contido mínimo do contrato de traballo formalizado por escrito o seguinte: a identificación das partes contratantes, duración do contrato, xornada de traballo, duración das vacacións, centro de traballo, grupo, nivel ou categoría profesional do traballador/a, retribución pactada e a expresión do convenio colectivo aplicable.
Artigo 9.- PERÍODO DE PROBA

-

Técnicos titulados.- 6 meses
-

Técnicos non titulados.- 2 meses
-

Administrativos.- 1 mes
-

Profesionais de oficio.- 1 mes
-

Resto do persoal.- 15 días
No non regulado haberá que aterse ó disposto no artigo 14 do Estatuto dos Traballadores. Durante a duración do aludido período de proba será de aplicación a totalidade do estabrecido no presente Convenio. Será nulo calquera pacto individual polo que se amplíe a duración dos períodos que se establecen.
Transcurrido o período de proba sen que se produzca desestimación por calquera das partes o contrato producirá plenos efectos, computándose o tempo dos servicios prestado na antigedade do traballador/a na empresa. Previo acordo entre as partes, as situacións de incapacidade temporal que afecten ao traballador/a durante o período de proba interrumpirán o cómputo do mesmo.
Artigo 10.- CONTRATACIÓN ESTABLE OU INDEFINIDA
1.- As partes asinantes do presente Convenio, co fin de acadar unha maior estabilidade no emprego, acordan fomenta-la contratación indefinida, establecendo un cadro de persoal fixo mínimo das empresas de mais de 3
traballadores do 50% do cadro de persoal total.
Aos efectos do cálculo do cadro de persoal fixo das empresas, tomaráse en conta a media dos últimos 24 meses.
A partires do 1 de xaneiro de 2021 a taxa mínima de estabilidade será do 60% para as empresas de mais de 3
traballadores e do 70% para as empresas de mais de 15 traballadores. Aos efectos do cumprimento destas taxas mínimas de estabilidade incrementadas, tomarase en conta, durante o primeiro ano da súa vixencia, a media de dita anualidade e, durante o segundo ano da súa vixencia, a media dos derradeiros 12 meses, calculándose a partires desta segunda anualidade do xeito xeral media dos derradeiros 24 meses.
2.- Exceptúanse do previsto no apartado anterior as empresas de nova creación e as empresas que, durante a vixencia do Convenio, incrementen o seu cadro de persoal total de modo significativo, entendéndose que ten lugar incremento significativo cando incrementen o número de traballadores/as da empresa a lo menos nun 30%.
As empresas ás que se fai referencia neste apartado contarán cun período de carencia de 2 anos para o cumprimento do cadro de persoal fixo mínimo de xeito que, ao cumprirse 3 anos, ben dende a creación da empresa, ben dende o incremento significativo do emprego, ditas empresas haberán de cumpri-lo establecido no apartado 1 tomándose como referencia a media do cadro de persoal fixo dos últimos 12 meses.
3.- A taxa de estabilidade fixada no presente artigo se terá en conta aos efectos de acceso ou mellora dos incentivos á contratación que as Administracións Públicas, no seu caso, establezan nas súas políticas de emprego.

Anuncio publicado en: Num BOP 202 año 2019 03/09/2019
02/09/2019 08:00:00
13:02:05

Os períodos de proba para o persoal de novo ingreso serán os seguintes: