I want to know about...

2

Núm. 010 martes, 14 de xaneiro de 2020

BOP Lugo
Finalmente, engádese un Título IV, xa que logo, a Deputación de Lugo non é allea á necesidade de dar unha resposta institucional á crecente preocupación social motivada pola corrupción, e no convencemento de que a transparencia na xestión é unha necesidade para reforzar a eficiencia das Administracións Públicas, facilitar a comunicación coa cidadanía e loitar contra a corrupción.
Dito compromiso formalizouse co Consello de Contas nun protocolo asinado no ano 2019, comprometéndose as dúas institucións no fortalecemento da integridade no sector público local de Galicia e na observancia dos principios éticos e de bo goberno, na integridade pública e o control da corrupción.
Pois ben, ese novo marco de colaboración institucional permanente co Consello de Contas nace coa finalidade de establecer mecanismos efectivos para a prevención e a loita contra a corrupción no sector público local de Galicia, e leva a Deputación a impulsalo de forma decidida e permanente incorporando dito compromiso como elemento estratéxico no presente Regulamento.
O presente regulamento componse de corenta e tres artigos, dúas disposicións adicionais, unha derrogatoria e unha final coa seguinte estrutura:
- Título I. Disposicións xerais - Título II. Da Asesoría Xurídica - Título III. Defensa de funcionarios.
- Título IV. Prevención da corrupción Por tanto, de cara a alcanzar estes esenciais fins, e, en virtude da potestade regulamentaria, como entidade local, que a Deputación Provincial ten, consonte ás previsións da Lei 7/1985, do 2 de abril, reguladora das bases de réxime local e da Lei 5/1997, do 22 de xullo, de administración local de Galicia, así como con base na potestade de autoorganización recoñecida no artigo 4.1 a da Lei 7/1985, proponse ao Pleno da Corporación a aprobación do Regulamento da Asesoría Xurídica da Deputación de Lugo.
TÍTULO I.
-Disposicións Xerais.Artigo 1.- A asistencia xurídica.
1. Sen prexuízo da función de asesoramento preceptivo, reservada á Secretaría Xeral, corresponden á Asesoría Xurídica da Deputación as seguintes funcións:
- A asistencia xurídica da Administración Provincial.
- A asistencia xurídica aos concellos que así o soliciten .
2. A función de asistencia xurídica consiste no asesoramento non preceptivo en dereito e a representación e defensa en xuízo en todo tipo de procesos xudiciais, así como ante órganos administrativos e en procedementos arbitrais.
3. Mediante a formalización do oportuno convenio poderase prestar asistencia xurídica aos entes, sociedades e fundacións públicas e aos consorcios e calquera outra entidade con participación significativa da Deputación de Lugo, de conformidade co disposto nos anteditos convenios e no presente Regulamento. Os convenios que se establezan poderán determinar a compensación económica a aboar como contraprestación e que poderá xerar crédito nos servizos correspondentes da asesoría xurídica de conformidade co disposto na normativa orzamentaria.
4. Asemade, poderase asistir e defender a funcionarios, autoridades e persoal ao servizo da Deputación Provincial, entes dependentes ou vinculados á mesma ou persoal dos Concellos da provincia que o soliciten nos termos previstos no Título III do presente Regulamento.
Artigo 2.- Organización a A Asesoría xurídica está constituída pola dirección da mesma, polos departamentos especializados de Dereito Civil-Mercantil, de Dereito Social e Penal, de Dereito Contencioso Administrativo e Constitucional e o de ConsultivoContratación, as unidades administrativas, así como os Letrados-Asesores especialistas, os/as letrados/as e demais persoal funcionario licenciados/as en Dereito do Grupo A que, conforme á Relación de Postos de Traballo, desenvolvan as funcións propias e específicas da Asesoría Xurídica.
b A organización da Asesoría Xurídica estrutúrase en catro departamentos especializados :
-Departamento de Dereito Civil-Mercantil.
-Departamento de Dereito Social e Penal.
- Departamento de Dereito Contencioso-Administrativo e Constitucional - Departamento de Consultivo e Contratación