Quiero saber acerca de...

2

Núm. 199 xoves, 30 de xullo de 2018

BOP de Lugo
3. O prazo de presentación das solicitudes finalizará o 11 DE SETEMBRO DE 2018 ÁS 13:00 H. Todas aquelas instancias presentadas fora de prazo serán excluídas. Naquelas accións formativas que, unha vez finalizado o prazo, non se cubriran as prazas ofertadas, manterase aberto ata completarse estas, quedando pechado o devandito prazo cinco días hábiles antes do comezo do curso.
4. A dita documentación dirixirase ó Ilmo. Sr. Presidente da Deputación Provincial de Lugo, Gabinete de Formación, por:
-

Presentación directa: No Rexistro Xeral da Deputación de Lugo.
Correo postal: Rúa San Marcos, 8 - 27001 Lugo.
Fax: 982 260 169
Correo electrónico: formacion@deputacionlugo.org E demáis lugares de conformidade co artigo. 16.4 da Lei 39/2015, do 1 de outubro, do Procedemento Administrativo Común das Administracións Públicas.

SEGUNDA.- ACCESO E PARTICIPACIÓN NAS ACCIÓNS FORMATIVAS
1. Poderá participar o persoal que cumpra os requisitos específicos esixidos no anexo I.
2. Reservarase un 5% do número de prazas para traballadores con discapacidade, en cumprimento co disposto no artigo 11 do Real Decreto 2271/2004, de 3 de decembro, polo que se regula o acceso ao emprego público e a provisión de postos de traballo das persoas con discapacidade. Incorpórase como criterio de valoración na participación nos cursos de formación de empregados públicos o estar afectado por unha discapacidade cun grao de minusvalía igual ou superior ao 33%. A selección efectuarase por separado da quenda xeral, incorporándose a ésta todas as vacantes que queden sen solicitantes.
3. O Gabinete de Formación poñerase en contacto cos peticionarios, asemade poderán obter confirmación da súa posible admisión chamando ao teléfono 982 260 065.
4. A non comparecencia ou abandono dun participante admitido a unha acción formativa terá como consecuencia que, durante un ano, non será admitido ás distintas accións formativas convocadas pola Deputación Provincial de Lugo.
TERCEIRA.- CERTIFICACIÓNS
Expedirase certificado de asistencia ou certificado de asistencia e aproveitamento ós alumnos/as que asistan ó curso. É obrigatoria a asistencia a todas as sesións dos cursos presenciais. Unha inasistencia superior ó 15% no cómputo total das horas programadas, imposibilitará a expedición da certificación acreditativa. No caso dos cursos "MODALIDADE EN LIÑA", é obrigatoria a asistencia á sesión presencial, daqueles que así o requiran. Se o alumno non se presentase á sesión presencial será excluído deste.
a Certificación de asistencia, ou b Certificación de asistencia con aproveitamento: trala superación das probas pertinentes, as cales, terán carácter voluntario:
En calquera dos supostos só se expedirá unha única Certificación.
CUARTA.- MODIFICACIÓNS
A Deputación Provincial de Lugo, poderare modificar o desenvolvemento e mailos contidos dos cursos co obxecto de adaptalos ás necesidades da Administración e ás continxencias que poidan xurdir.
Lugo, 28 de agosto de 2018.- O Presidente: Darío Campos Conde. O Secretario: Cristóbal Víctor Fraga Bermejo.
BASES XERAIS
ANEXO I
CARACTERÍSTICAS E CONTIDOS ESPECÍFICOS

Código A. F.: 01.01.01.18
Denominación: NOVIDADES NA APLICACIÓN DAS LEIS 39/2015 E 40/2015 PARA PERSOAL ADMINISTRATIVO.
MODALIDADE EN LIÑA
Destinatarios: Persoal administrativo C1 e C2 da administración local da provincia de Lugo que interveña na tramitación de expedientes administrativos.
Participantes: 50
Horas: 30
Datas celebración: Do 3 ao 31 de outubro de 2018