Quiero saber acerca de...

LUNS, 13 DE AGOSTO DE 2018

N.º 185

CONCELLOS
ALFOZ
Anuncio O Pleno do Concello de Alfoz, en sesión plenaria ordinaria celebrada o 25 de maio de 2018 acordou aprobar inicialmente a Ordenanza reguladora da utilización de edificios, locais e instalación municipais..
No B.O.P. nº 132, de data 11 de xuño de 2018 publícase o Anuncio de exposición ó público sen que no prazo de corenta días se producira ningunha reclamación, polo que o citado acordo elévase automáticamente a definitivo.
O seu texto íntegro se fai público, para o seu xeral coñecemento e en cumprimento do previsto no artigo 70.2
da Lei 7/1985, de 2 de abril, Reguladora das Bases do Réxime Local.
ORDENANZA REGULADORA DA UTILIZACIÓN DE EDIFICIOS, LOCAIS E INSTALACIÓNS MUNICIPAIS DO
CONCELLO DE ALFOZ
EXPOSICIÓN DE MOTIVOS
Os Concellos, como Administracións Públicas mais próximas á cidadanía, teñen por tarefa indiscutible colaborar no desenvolvemento da mesma nos seus aspectos económicos, sociais, culturais, solidarios e de calquera outra índole de interese xeral. Asemade, a xestión polos entes locais dos seus bens, atendendo a principios de eficiencia e rentabilidade, tamén constitúe unha importante responsabilidade para os mesmos.
Neste marco, o Concello de Alfoz pretende poñer a disposición dos posibles interesados o uso dos seus bens inmobles de maneira que se posibilite a optimización destes recursos, garantindo que o acceso aos mesmos se produza en condicións de igualdade para todos eles, aínda que primando sempre o maior beneficio que ese uso poda reportar ao conxunto da sociedade.
O artigo 84 da Lei 33/2003, de 3 de novembro, de Patrimonio das Administracións públicas, de carácter básico, impón a necesidade de dispor de título outorgado pola autoridade competente para ocupar ou utilizar os bens de dominio público. Asemade, o apartado 2 do artigo 86 do mesmo texto legal establece que o aproveitamento especial dos bens de dominio público, así como o seu uso privativo, cando a ocupación se efectúe unicamente con instalacións desmontables ou bens mobles, estarán suxeitos a autorización ou, si a duración do aproveitamento ou uso excede de catro años, a concesión.
A presente ordenanza ten por finalidade, xa que logo, establecer as regras básicas que deben presidir a utilización e disfrute dos inmobles do noso Concello por parte dos posibles beneficiarios, evitando un uso inadecuado dos mesmos; pero sen que esta regulación supoña, en ningún caso, o recoñecemento dun dereito previo en favor daqueles.
Atendendo aos fines sinalados, e no exercicio da potestade regulamentaria e de autoorganización recoñecida no artigo 4.1.a da Lei 7/1985, do 2 de abril, reguladora das bases do réxime local, procédese a dictar esta ordenanza reguladora do réxime da autorización demanial e o uso dos edificios, locais e instalacións municipais, por un prazo non superior a catro anos.
CONTIDO
A parte dispositiva da ordenanza divídese en 30 artigos, agrupados en 5 títulos, conforme ao seguinte esquema:
TÍTULO I: DISPOSICIÓNS XERAIS
TÍTULO II: NORMAS REGULADORAS DA UTILIZACIÓN
TÍTULO III: RÉXIME XURÍDICO
CAPÍTULO I: PROCEDEMENTO
SECCIÓN PRIMEIRA: PROCEDEMENTO XERAL
SECCIÓN SEGUNDA: PROCEDEMENTO ABREVIADO
SECCIÓN TERCEIRA: FORMALIZACIÓN DA CESIÓN DE USO