Boletín Oficial de la Provincia de Lugo del 23/02/2019
Version en texte Qu'est-ce que c'est?Dateas est un site Web indépendant, non affilié à un organisme gouvernemental. La source des documents PDF que nous publions est l'agence officielle indiquée dans chacun d'eux. Les versions en texte sont des transcriptions non officielles que nous faisons pour fournir de meilleurs outils d'accès et de recherche d'informations, mais peuvent contenir des erreurs ou peuvent ne pas être complètes.
Source: Boletín Oficial de la Provincia de Lugo
3
Núm. 046 sábado, 23 de febreiro de 2019
BOP de Lugo
o Gastos de material deportivo non inventariable preciso para a actividade competitiva para a que se solicita a axuda: por exemplo, balóns, redes, colchonetas, raquetas, aros, etc
o Gastos de vestimenta deportiva do club/entidade solicitante para a disciplina deportiva na que figuren inscritos e para a que soliciten a axuda.
o Gastos de transporte: desprazamentos do club/entidade solicitante por asistencia á competición da disciplina deportiva na que figuren inscritos e para a que soliciten a axuda.
o Gastos de combustible: ver condicións nos seguintes parágrafos o Gastos de seguro de responsabilidade civil e de cobertura de accidentes da actividade competitiva.
Todos os gastos deberán acreditarse mediante a respectiva factura e no seu caso, a respectiva certificación federativa.
Os gastos de persoal deberán acreditarse mediante nóminas, IRPF e seguridade social ou no seu caso, con respectiva factura relativa aos servizos prestados por terceiro, á entidade ou club beneficiario.
Os gastos de transporte serán subvencionables, primeiro, no caso de ter contratado a un terceiro coche alugueiro, autocar, etc. até o importe total soportado pola entidade; ou segundo, cando tendo vehículo propio da entidade, os gastos de combustible que este orixine e que estean directamente relacionados coa actividade e sexan indispensables para a adecuada preparación ou execución da mesma até un importe máximo que non supere o 30 % do custo total da actuación.
Este último criterio, de limitación do 30%, non será de aplicación para os gastos de transporte derivados da contratación a un terceiro ou dos gastos de combustible de vehículo de titularidade acreditada da entidade solicitante, utilizado expresamente para o transporte dos elementos ou aparellos imprescindíbeis para a práctica da correspondente disciplina deportiva exemplo; bicicletas, piraguas, canoas, embarcacións de remo e análogas que estean recoñecidos e se reflictan nos respectivos regulamentos técnicos oficiais.
Non serán subvencionables os gastos de aloxamento, de hostalería, comidas e restauración, nin as sancións federativas, nin os gastos xerais da entidade organizadora, a adquisición de material de oficina, informática ou similar.
En todo caso, os gastos financiables indicados anteriormente e que deberán reflectirse no respectivo orzamento de solicitude deberanse cinxir aos gastos directa e estritamente necesarios para o desenvolvemento e execución da actividade deportiva para a que se solicita a axuda e inequivocamente relacionados con ela.
B. Liña de axudas para a organización de evento deportivo Axudas destinadas a entidades e clubs deportivos da provincia de Lugo enténdase con sede e/ou delegación na provincia de Lugo que desenvolvan eventos deportivos de carácter puntual na provincia de Lugo e cuxa repercusión incida na promoción e a formación deportiva e con especial incidencia no deporte saudable, no deporte feminino e no deporte adaptado, dentro das disciplinas deportivas recoñecidas oficialmente polo Consello Superior de Deportes de acordo coa listaxe que figura na súa páxina web e que se relaciona no ANEXO
A desta convocatoria e que desenvolvan a actividade deportiva para a que solicitan a axuda na provincia de Lugo. As entidades e clubs deportivos solicitantes deberán estar creados como máximo a data 31 de decembro de 2018.
O orzamento financiable está composto polos seguintes gastos subvencionables:
1. Gastos de persoal preciso para a realización e desenvolvemento do evento: gastos de contratación de persoal, técnicos e/ou especialistas deportivos, ou persoal de preparación, control e seguemento técnico e loxístico da actividade, desenvolvemento e soporte do evento.
2. Premios económicos en metálico: deberán realizarse as súas respectivas retencións conforme a normativa aplicable.
3. Gastos megafonía, equipos e aplicacións informáticas, gastos de cronometraxe, chips, xestión inscricións, outro tipo de gastos de carácter técnico debidamente acreditado.
4. Medallas e trofeos: destinados directa e expresamente ao evento.
5. Alugueiro de instalacións, ou de elementos técnicos-loxisticos e de sinalización necesarios e imprescindibles para a celebración do evento.
6. Gastos federativos, xuíces e árbitros.
7. Primas de seguros exclusivamente para o evento: de responsabilidade civil e de accidentes 8. Gastos de publicidade do evento, especificamente desenvoltos para a publicidade do evento: carteleira, publicidade , redes sociais e elementos de promoción.
Anuncio publicado en: Num BOP 46 año 2019 22/02/2019 13:15:53
23/02/2019 08:00:00
Quedan excluídas desta liña de axudas á actividade competitiva, tanto as federacións deportivas, as delegacións provinciais de federacións e as sociedades anónimas deportivas.
