Voglio sapere a riguardo di…

3

Núm. 182 luns, 10 de agosto de 2020

BOP Lugo
Anuncio O pleno do Concello de Chantada, na sesión ordinaria do día 30/07/2020 acordou aprobar inicialmente o expediente de modificación de créditos 27/2020 baixo a modalidade de suplemento de crédito 01/2020 con cargo ao remanente de tesourería para gastos de exercicios pechados, por importe de 672.701,41 €.
O expediente exponse ao público polo prazo de quince días, da acordo co artigo 169 do Texto Refundido 2/2004, do 5 de marzo, da Lei reguladora das facendas locais, na Secretaría deste Concello, a fin de que durante o mesmo, que empezará a contarse desde o día seguinte ó da inserción do presente edicto no Boletín Oficial da Provincia , poderán presentar reclamacións e suxestións que se estimen oportunas, as que deberán ser dirixidas ó Sr. Alcalde-Presidente deste Concello.
Chantada, 3 de agosto de 2020.-O ALCALDE, Manuel Lorenzo Varela Rodríguez.
R. 1734

O CORGO
Anuncio MARCO ANTONIO GARCÍA-GABILÁN SANGIL, LICENCIADO EN DEREITO E SECRETARIO DO CONCELLO DO
CORGO LUGO
CERTIFICO:

"DECRETO/20. O CORGO, 27 DE XULLO DE 2020
Por resolución desta alcaldía do 30 de decembro de 2019, aprobáronse as bases da convocatoria de axudas económicas de pago único para o fomento da natalidade de 2019 no Concello do Corgo, sendo publicadas no BOP do 1 de febreiro do actual.
De conformidade co establecido no Art. 23.2 da Lei 38/2003, Xeral de Subvencións, a contía total das subvencións por nacemento de fillos ou adopción ascende a 13.000 € e atópase consignada na aplicación orzamentaria 231-480, no vixente orzamento para 2019.
Nas citadas bases establecíase que serían beneficiarios, entre outros requisitos, que a unidade de convivencia segundo o padrón municipal non percibira ingresos anuais superiores a 3,5 veces o SMI para 2019, referido a catorce pagas.
Entendíase por unidade de convivencia a todas as persoas que tiveran a residencia habitual no mesmo domicilio en que se empadroara o nado ou o adoptado, excluíndose as persoas coa calificación de dependentes e discapacitados ou tiveran reducida a súa capacidade de traballo nun grado equivalente ao da incapacidade permanente absoluta ou grande invalidez.
Co fin de facer fronte á situación de emerxencia de saúde pública ocasionada pola COVID-19, declarada pola OMS, levou ao goberno autónomo de Galicia a decretar a emerxencia sanitaria e ao Goberno de España a declarar o estado de alarma, limitando a liberdade de circulación de persoas adoptando as medidas de contención no ámbito da actividade comercial, equipamentos culturais, establecementos e actividades recreativas, de hostalería e restauración e outras adicionais.
Como indica o Real decreto lei 8/2020, de 17 de marzo, de medidas urxentes extraordinarias para facer fronte ao impacto económico e social da COVID-19, a contención da progresión da enfermidade supón limitacións temporais á libre circulación xunto coa redución da oferta laboral debido ás medidas de corentena e contención.
Estas circunstancias tradúcense nunha perturbación conxunta de demanda e oferta para a economía española, que afectará ás ventas das empresas, xerando tensións de liquidez que poderían derivar en problemas de solvencia e perda de empregos si non se adoptan medidas urxentes de estabilización.
Este real decreto lei permitiu ás entidades locais destinar o superávit correspondente ao 2019 para financiar gastos de inversión na política de gasto 23 "Servizos Sociais e promoción social" e tamén nas prestacións establecidas no seu artigo 2, entre outras a de "garantir ingresos suficientes ás familias, para asegurar a cobertura das súas necesidades básicas, xa sexan de urxencia ou de inserción".
Por todo isto, e visto que a dotación para axudas á natalidade queda con saldo suficiente, cómpre modificar os requisitos esixidos nas mesmas, co fin de axudar ás familias por nacemento de fillos.

Anuncio publicado en: Num BOP 182 año 2020 10/08/2020
07/08/2020 08:00:00
10:17:31

Que en data do 27 de xullo deste ano, o Sr. Alcalde ditou a Resolución relativa á modificación das bases e a apertura dun novo prazo da convocatoria de axudas económicas de pago único para o fomento da natalidade de 2019 no Concello do Corgo, aprobadas por resolución desta alcaldía do 30 de decembro de 2019, e publicadas no BOP do 1 de febreiro do actual, que se transcribe de seguido: