Voglio sapere a riguardo di…

9

Núm. 120 mércores, 27 de maio de 2020

BOP Lugo
6.- CONCESIÓN DE SUBVENCIÓNS
6.1.- O órgano instrutor será a traballadora social do Concello de Xermade ou o/a funcionario/ que o substitúa, en caso de ausencia.
6.2.- A Comisión de Valoración de Subvencións procederá a informar proposta de concesión de subvencións formulada pola instrutora, segundo os criterios previstos nas presentes bases. A proposta deberá conter a relación de solicitantes para os que se propón a subvención, a súa contía e os criterios de valoración que dean lugar á proposta.
A Comisión de Valoración de Subvencións terá a seguinte composición:
Presidente: o alcalde ou persoa en quen delegue.
Vogais: a concelleira delegada de servizos sociais e a educadora familiar.
Secretaria: o/a secretario-interventor do Concello.
6.3. Posteriormente á proposta informada pola Comisión de Valoración de Subvencións, a proposta pasará á Intervención Municipal para súa fiscalización.
Informada a proposta pola Intervención, a Xunta de Goberno Local por delegación da Alcaldía concederá as subvencións mediante resolución na que se especifique a relación de solicitantes ós que se conceden as subvencións e a desestimación das restantes solicitudes. O prazo máximo para resolver será de quince días hábiles contados a partir da finalización do prazo de solicitude das subvencións.
O outorgamento das subvencións notificarase ás persoas interesadas de acordo co establecido nos artigos 40, 41, 42, 43 e 44 da Lei 39/2015. A resolución da concesión farase pública, como mínimo, mediante exposición pública no taboleiro de anuncios municipal durante un prazo dun mes.
7.- OBRIGAS DO BENEFICIARIO

1. O/A neno/a nacido/a, adoptado/a ou acollido/a debe permanecer inscrito/a no padrón polo prazo mínimo de tres 3 anos.
2. O/A neno/a nacido/a, adoptado/a ou acollido/a debe matricularse no CEIP de Xermade.
3. Someterse ás actuacións de comprobación e control financeiro que poidan realizar os órganos de control competentes, aportando, para elo, canta información lles sexa requirida.
3. Comunicar ó Concello a obtención doutras subvencións de calquera entidade pública ou privada para a mesma finalidade.
8.- XUSTIFICACIÓN E PAGAMENTO
A xustificación, que será baixo a responsabilidade do declarante, farase coa presentación no Rexistro de Entrada do Concello, como máximo o día 30 de novembro, do modelo normalizado de solicitude de pagamento que se facilitará no Concello.
O pagamento da subvención concedida farase efectivo antes do 31 de decembro do 2020, sempre e cando os/as beneficiarios/as acrediten estar ao corrente coas obrigas tributarias e seguridade social.
9.- REINTEGRO DA SUBVENCIÓN
O incumprimento do deber de que o/a neno/a figure empadroado/a no municipio e se matricule no CEIP de Xermade dará lugar á obriga do reintegro das cantidades recibidas.
As cantidades a reintegrar terán a consideración de créditos de dereito público, resultando de aplicación para a súa cobranza o previsto no Regulamento Xeral de Recadación.
10.- INFRACCIÓNS E SANCIÓNS
En materia de infraccións e sancións estarase ó disposto no Título IV da Lei 38/2003, Xeral de Subvencións.
DISPOSICIÓN ADICIONAL
Para o non previsto nestas bases será de aplicación o disposto na Lei 38/2003, Xeral de Subvencións, así como as Bases 44 a 51 das de Execución do Orzamento Xeral do Concello de Xermade para o ano 2020.
Xermade,18 de maio de 2020.- O Alcalde, Roberto García Pernas.
R. 0908

Anuncio publicado en: Num BOP 120 año 2020 27/05/2020
26/05/2020 08:00:00
10:10:36

Os beneficiarios das subvencións terán que aterse ás seguintes obrigas: