Je veux savoir à propos de…

SÁBADO, 2 DE MARZO DE 2019

N.º 052

EXCMA. DEPUTACIÓN PROVINCIAL DE LUGO
SERVIZO DE CONTRATACIÓN E FOMENTO. UNIDADE DE OBRAS E PLANS
Anuncio O Pleno da Deputación Provincial de Lugo, na sesión ordinaria que tivo lugar o vinte e seis de febreiro de dous mil dezanove 26/02/2019, acordou a aprobación do asunto que deseguido se menciona:
BASES DO PLAN PROVINCIAL ÚNICO DE COOPERACIÓN COS CONCELLOS 2019.

1.O presente PLAN PROVINCIAL ÚNICO DE COOPERACIÓN COS CONCELLOS 2019 é un Plan propio da Deputación Provincial de Lugo para o exercicio 2019 destinado aos 67 concellos da provincia, que se elabora no marco do previsto no artigo 36.2.a da Lei 7/1985, do 2 de abril, reguladora das bases de réxime local, e nos artigos 32 e 33 do Real Decreto lexislativo 781/1986, do 18 de abril, polo que se aproba o Texto refundido das disposicións legais vixentes en materia de réxime local, que establecen a obriga das deputacións provinciais de aprobar anualmente un plan provincial de cooperación ás obras e servizos de competencia municipal, en cuxa elaboración deben participar os Concellos da provincia. O plan, que deberá conter unha memoria xustificativa dos seus obxectivos e dos criterios de distribución dos fondos, criterios que en todo caso han de ser obxectivos e equitativos e entre os que estará a análise dos costes efectivos dos servizos dos concellos poderá financiarse con medios propios da Deputación, as achegas municipais e as subvencións que acorden a comunidade autónoma e o Estado con cargo aos seus respectivos presupostos
2. O Plan finánciase coas seguintes achegas:
a Cunha achega da Deputación provincial por importe de 21.000.000,00€ e coas achegas que realicen os concellos para completar o financiamento dos investimentos, servizos e actuacións, posto que nos últimos anos a Administración Xeral do Estado non realizou achegas aos Plans provinciais elaborados polas deputacións provinciais.
A achega da Deputación financiase con cargo:
- Créditos do orzamento xeral de 2019.
- Créditos financiados con cargo ao remanente líquido de tesoureira de 2018.
b Achegas dos concellos: Nun importe equivalente ao mínimo obrigatorio do plan de obras e servicios POSdo ano 2016 por concello. A maiores, poderán complementar, con fondos propios ou provintes doutras Administración Públicas.
3.- O órgano competente para a aprobación das presentes bases do plan provincial único de cooperación cos concellos 2019 é o Pleno da Corporación, de acordo co establecido na lexislación de réxime local.
2.- ANTICIPOS
Logo da aprobación definitiva do Plan Provincial Único de Cooperación cos Concellos 2019, a Deputación Provincial poderá aboar un anticipo de ata o 50% sobre o importe total da achega, con dispensa de garantía e previa solicitude do concello.
Para o aboamento do devandito anticipo o Concello deberá achegar a seguinte documentación:
1. Solicitude do anticipo.
2. Declaración responsable na que se faga constar que a concello non é debedor por resolución de procedencia de reintegro, é dicir, que non ten pendente de ingreso no Tesouro Público ningunha reclamación de débeda derivada dunha resolución de reintegro de axuda pública.
3. Documento emitido pola entidade bancaria, no que figure o CIF do Concello, no que conste a conta na que se procederá, no seu caso, ao abono do correspondente anticipo, unha vez tramitada a documentación achegada.
No caso de que a Deputación tivese aboado o anticipo e o concello non executase ou xustificase a totalidade da cantidade ingresada por este concepto, o concello presentará documentación xustificativa do reintegro da parte
Anuncio publicado en: Num BOP 52 año 2019 01/03/2019 12:48:44
02/03/2019 08:00:00

1.- DENOMINACIÓN, APLICACIÓN ORZAMENTARIA E APROBACIÓN DAS BASES