Quiero saber acerca de...

4

Núm. 236 martes, 15 de outubro de 2019

BOP Lugo
5.- PRESENTACIÓN DE INSTANCIAS.As instancias solicitando tomar parte no proceso selectivo dirixiranse ao Ilma. Sra. Alcaldesa e presentaranse no Rexistro Xeral do Concello de Lugo debidamente cumprimentadas, durante o prazo de vinte días naturais contados desde o seguinte ao da publicación do anuncio de cada convocatoria no Boletín Oficial do Estado.
Poderán así mesmo remitirse na forma determinada na Lei 39/2015, de 1 de outubro, do Procedemento Administrativo Común das Administracións Públicas.
A instancia acompañarase inescusablemente.
- Fotocopia do D.N.I.
- Fotocopia compulsada da documentación acreditativa do cumprimento do requisito recolleito no apartado b da base 4.
- Relación dos méritos que aleguen, enumerados segundo o correspondente baremo. A devandita relación acompañaranse ós documentos xustificativos dos méritos, orixinais ou fotocopias compulsadas.
6.- LISTA DE ADMITIDOS, DATA E LUGAR DE CELEBRACIÓN DAS PROBAS.Unha vez rematado o prazo de presentación de solicitudes, e despois de comprobadas, o órgano competente ditará resolución pola que declara aprobada a lista provisional de admitidos/as e excluídos/as, coas causas que motivaron a exclusión, así como a designación do tribunal cualificador.
A resolución publicarase no BOP e no taboleiro de anuncios do Concello, concedéndose un prazo de 10 días hábiles contados a partir do seguinte ao da publicación da resolución no BOP, para poder emendar, de ser o caso, o defecto que motivou a exclusión, así como para promover a recusación dos membros do tribunal.
Transcorrido o prazo anterior, o órgano competente ditará nova resolución pola que aprobará a lista definitiva de admitidos e excluídos ao proceso selectivo, e fixará o lugar e data de comezo das probas.

7.- OBRIGA DOS ASPIRANTES DE CONCORRER ÁS PROBAS.De conformidade co artigo 12 do Decreto 243/2008, os aspirantes deberán acudir ás probas nas horas e datas dos respectivos chamamentos, sen posibilidade de adiantamento calquera que fose a causa que lles impida acudir, agás que a escusa sexa posible por ter amparo nun precepto legal, así como o suposto que se describe a continuación.
Nos casos de aspirantes embarazadas, ou en período de parto ou postparto, debidamente acreditados, poderase aprazar para as aspirantes nas que concorra dita circunstancia ata seis meses o desenrolo das probas físicas que lles correspondera efectuar, prazo que podería prorrogarse como máximo outros seis meses en caso xustificado.
Este aprazamento das probas físicas non afectará por si só ó resto das probas.
As mulleres embarazadas que prevexan que polas circunstancias derivadas do seu avanzado estado de xestación e previsión de parto, ou eventualmente os primeiros días despois do parto, a súa coincidencia coas datas de realización de calquera dos exames ou probas previstos no proceso selectivo poderán poñelo en coñecemento do tribunal, achegando á comunicación o correspondente informe médico oficial. A comunicación deberá realizarse con tempo suficiente e o tribunal determinará, con base á información de que dispoña, se procede ou non realizar a proba nun lugar alternativo ou ben un adiantamento da proba, ou ben ambas medidas conxuntamente.
8.- TRIBUNAL CUALIFICADOR.O Tribunal cualificador, designado pola Alcaldía, estará composto polos seguintes membros:
Presidente/a Tres vogais Secretario/a O tribunal quedará integrado, ademais, polos respectivos suplentes que serán designados xunto cos titulares.
Os membros do tribunal deberán absterse de intervir, notificándollo á autoridade convocante, cando concorran neles circunstancias das previstas no art, 23 da Lei 40/2015 do 1 de outubro de Réxime xurídico do Sector Público, ou tivesen realizado tarefas de preparación de aspirantes a probas selectivas nos cinco anos anteriores á publicación da convocatoria, ou houbesen colaborado durante ese período con centros de preparación de opositores.
Os membros do Tribunal deben pertencer a un corpo, escala ou categoría profesional para acceder ó cal se esixa titulación igual ou superior á esixida para participar neste proceso.

Anuncio publicado en: Num BOP 236 año 2019 15/10/2019
14/10/2019 08:00:00
10:19:44

A orde de actuación das persoas aspirantes será determinado de acordo co establecido nas bases xerais para o acceso en propiedade a prazas de funcionarios e persoal laboral do Excmo. Concello de Lugo.