Quiero saber acerca de...

VENRES, 06 DE XULLO DE 2018

N.º 154

EXCMA. DEPUTACIÓN PROVINCIAL DE LUGO
CENTRO DE ARTESANIA E DESEÑO
Anuncio BASES DA CONVOCATORIA PARA A INSCRICIÓN, ADMISIÓN E SELECCIÓN DOS E DAS ARTESÁS
PARTICIPANTES NA MOSTRA DE ARTESANÍA ARTESANFROILÁN 2018, DA ÁREA DE CULTURA E TURISMO, SUBÁREA DE CULTURA, PATRIMONIO HISTÓRICO ARTÍSTICO, ARTESANÍA E DESEÑO E EDUCACIÓN.
PRIMEIRA: OBXECTO DA CONVOCATORIA
As presentes bases teñen como obxecto regular as normas e condicións de participación dos e das artesás da mostra ARTESANFROILÁN 2018 organizada pola Área de Cultura e Turismo, Subárea de Cultura , Patrimonio Histórico e Artístico, Artesanía e Deseño e Educación da Deputación de Lugo en adiante Área de Cultura da Deputación de Lugo.
SEGUNDA: PARTICIPANTES
A presente convocatoria está aberta a todas e todos os artesáns para participar na mostra Artesanfroilán 2018, para o cal todas as persoas interesadas deberán cumprir os requisitos establecidos nas presentes bases.
Para os efectos destas bases, poderán participar os e as artesáns que realicen calquera actividade recollida no Anexo IV do Decreto 218/2001, de 7 de setembro polo que se refunde a normativa vixente en materia de artesanía agás os que realicen actividades da súa división 15 Industrias de produtos alimenticios e bebidas.
A participación nesta Mostra está reservada a artesás e artesáns cuxa produción sexa exclusivamente de creación e produción propia, e cuxo material responda ao proceso de transformación e elaboración dunha determinada materia prima; entendéndose este proceso como un cambio substancial na referida materia.
TERCEIRA: LUGAR, DATA E CARACTERÍSTICAS
A mostra desenvolverase na praza Anxo Fernández Gómez de Lugo, entre os días 3 de outubro de 2018 e 14 de outubro de 2018, en horario de 11:00 h. a 14:00h. e de 17:00 a 21:00 h.
Os postos disporán de iluminación e contarán cunha saída de luz para o uso do artesán/artesá expositor CUARTA: CONDICIÓNS DE PARTICIPACIÓN
As persoas interesadas en participar na mostra Artesanfroilán 2018 deberán presentar a solicitude coa documentación requirida no prazo e forma establecida nas presentes bases.
Poderán participar individualmente ou conxuntamente, en cuxo caso deberase indicar expresamente na solicitude, e en consecuencia deberán achegar a documentación correspondente e esixible a cada participante.
No suposto de participación conxunta e, de acordo coas indicacións na solicitude, o posto poderase compartir por un máximo de dous artesáns/artesás.
En todo caso, aqueles artesáns/artesás que decidan participar conxuntamente, deberán cumprir, respectivamente e por separado, todos e cada un dos requisitos esixidos. O incumprimento dos referidos requisitos por parte de un dos dous participantes da solicitude de participación conxunta non invalidará a admisión daquel que si os cumpra, debendo adaptarse as circunstancias derivadas desa situación, de xeito que non implique deterioro na imaxe e desenvolvemento da mostra. Nese sentido, a Área de Cultura poderá ditar as instrucións precisas para o mellor desenvolvemento e execución da feira.
A mostra estará formada por 25 postos de 3 X 2 metros, cada unha delas e con cadro eléctrico e iluminación.
Asegurar nas súas casetas as necesarias condicións de limpeza, hixiene, atención ao cliente, durante os días que dure a feira. Os traballos de acondicionamento do posto de cada expositor será o día 3 de outubro dende ás 8:00 horas, e deberán estar concluídos o mesmo día ás 17:00 horas. O desmonte e retirada dos elementos de cada caseta deberá realizarse como máximo ás 12:00 horas do 15 de outubro de 2018.
O/a expositor/a comprométese a manter aberta a caseta no horario fixado para a feira e ter polo menos unha persoa á fronte do mesmo, que representará ao/a solicitante.