I want to know about...

3

Núm. 068 sábado, 23 de marzo de 2019

BOP de Lugo
2. Servizo de Comedor A escola infantil conta con servizo de comedor. Os menús que ofrece á Escola Infantil garantiran os criterios nutritivos e dixestivos establecidos. Están elaborados e supervisados por unha nutricionista.
As familias deberán informar ao persoal do Centro dos tipos de alerxia ou intolerancia e dos síntomas e reaccións que padece. En ningún caso se dará a un neno ou nena alérxico un alimento sen o consentimento dos pais/nais.
Terase sempre en un lugar de fácil acceso o protocolo e os teléfonos de contacto para casos de urxencia.
As familias tamén informarán verbalmente ao persoal da escola sobre as cantidades, horario de tomas, costumes, etc En bebés, a introdución paulatina de alimentos realizarase seguindo as instrucións do/a pediatra. Os alimentos novos, primeiro daranse na casa e despois na escola por posibles alerxias.
Na entrevista inicial que se leva a cabo con cada unha das familias antes de que o neno/a entre na escola, hai un apartado completo referido á alimentación.
Respectaranse os menús elaborados por estar adaptados as idades dos nenos e nenas, cubríndose así as súas necesidades nutricionais. Expoñerase o menú no taboleiro de anuncios semanalmente e facilitarase unha copia mensual do mesmo a tódalas familias que o demanden.
3. Horario Amplo
Horario amplo: enténdese por horario amplo a atención aos nenos e nenas por parte do centro cando menos durante 10 horas diarias ininterrompidas. Non obstante, evitarase que o neno e a nena non prolongue a súa estadía no centro máis de 8 horas diarias, agás que circunstancias excepcionais, que deberán en todo caso xustificarse, o determinen.
Artigo 4. Idades de Admisión e Permanencia Poderán facer uso dos servizos da Escola Infantil os pais, nais e titores/as ou representantes legais dos nenos e nenas que cumpran os seguintes requisitos de idade:
Idade mínima: Ter cumprido 3 meses de idade na data de ingreso, salvo situacións especiais previo informe dos servizos sociais.
Idade máxima: non ter cumpridos os 3 anos de idade o 31 de decembro do ano no que se solicita a praza.
Os nenos e nenas poderán ser usuarios e usuarias do servizo ata o momento no que corresponda iniciar a educación infantil do 2º ciclo.
Poderán integrarse nenos e nenas con discapacidades físicas, psíquicas ou sensoriais de acordo coa lexislación vixente e nas condicións que na mesma se especifiquen.
Artigo 5. Procedemento de Admisión e Baixas 5.1. Admisións As novas solicitudes de admisión atenderanse do 16 ó 30 de abril.
Ademais da solicitude, os interesados deberán obrigatoriamente achegar a seguinte documentación:
a Fotocopia compulsada do D.N.I. ou N.I.E. se é co caso, do pai, nai, titor/a ou representante legal.
b Fotocopia compulsada do libro de familia.
c Xustificación de ingresos:
Derradeira nómina, factura de venda de leite e/ou gando, certificación das pensións ou da percepción económica con cargo ó INEM ou certificado de non prestación, se é o caso, certificación de empresa, xustificación doutros ingresos expedida polo organismo correspondente certificado de interese e retencións bancarias, certificado do departamento de rendas do Concello en relación cos membros da unidade familiar, recibo de contribución rústica e urbana. Pódese requirir ó solicitante os documentos que se consideren precisos para a resolución do expediente.
Copia da declaración do IRPF completa de cada membro da unidade familiar computable para os efectos económicos. No caso de non ter obriga de presentar declaración:
Os solicitantes de devolución rápida MOD.104 achegarán copia da comunicación que lles envía a Axencia Estatal de Administración Tributaria en aplicación do artigo 81 da Lei 40/1998, do 9 de decembro, do imposto sobre a Renda das Persoas Físicas.

Anuncio publicado en: Num BOP 68 año 2019 22/03/2019 13:31:00
23/03/2019 08:00:00

O horario máximo de permanencia dos nenos e nenas no Centro será, con carácter xeral de 8 horas diarias, excepto causas excepcionais e convenientemente xustificadas, a valorar pola comisión da escola infantil, previo informe dos servizos sociais do Concello de Becerreá.