Boletín Oficial de la Provincia de Lugo del 12/09/2018
Version en texte Qu'est-ce que c'est?Dateas est un site Web indépendant, non affilié à un organisme gouvernemental. La source des documents PDF que nous publions est l'agence officielle indiquée dans chacun d'eux. Les versions en texte sont des transcriptions non officielles que nous faisons pour fournir de meilleurs outils d'accès et de recherche d'informations, mais peuvent contenir des erreurs ou peuvent ne pas être complètes.
Source: Boletín Oficial de la Provincia de Lugo
MÉRCORES, 12 DE SETEMBRO DE 2018
N.º 210
CONCELLOS
BALEIRA
Anuncio RESOLUCIÓN DE ALCALDÍA.Tendo que ausentarme do Termo Municipal de Baleira dende as 13:15 horas do 30 de agosto do 2018 ó 10 de setembro do 2018, de conformidade co regulado nos artigos 23.3 da Lei 7/1985, do 02 de abril Reguladora das bases de réxime local, artigo 63 da Lei 5/1997 de 22 de xullo, de Administración Local de Galicia e artigo 47 do Real decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das entidades locais.
RESOLVO:
Delegar a totalidade das funcións desta Alcaldía, ós efectos de que me sustitúa durante o devandito período dende as 13:15 horas do día 30 de agosto do 2018 ó día 10 de setembro do 2018, no Primeiro Teniente de Alcalde D. Alberto Núñez Fernández. Publicar a presente Resolución no Boletín Oficial da Provincia de Lugo e no Taboleiro de Edictos do Concello. Dar conta da presente Resolución á Corporación Municipal en Pleno.
Baleira, 30 agosto do 2018.- O Alcalde, Angel Enrique Martínez-Puga López. Mándao o Alcalde, A SecretariaInterventora R. 2545
CASTROVERDE
Anuncio Ao non terse presentado reclamacións durante o prazo de exposición ao público, queda automaticamente elevado a definitivo o acordo plenario provisional deste Concello sobre a modificación da ordenanza fiscal reguladora do prezo público polo servizo das escolas deportivas municipais, cuxo texto íntegro faise público en cumprimento do artigo 17.4 do Texto Refundido da Lei Reguladora das Facendas Locais, aprobado polo Real Decreto Lexislativo 2/2004, de 5 de marzo.
ORDENANZA REGULADORA DO PREZO PÚBLICO POLO SERVIZO DAS ESCOLAS DEPORTIVAS MUNICIPAIS.
Artigo 1.- Concepto.
De conformidade con canto se establece no artigo 127, en relación co 41 ámbolos dous do Real Decreto Lexislativo 2/2004, do 5 de marzo, polo que se aproba o Texto Refundido da Lei Reguladora das Facendas Locais, este Concello establece o prezo público pola prestación do servizo de Escolas Deportivas Municipais.
Artigo 2.- Feito impoñible.
Constitúe o feito impoñible deste ingreso a prestación do servizo de ensinanza das Escolas Deportivas que organice o Concello de Castroverde, por sí mesmo ou a través dun terceiro.
Artigo 3.- Obriga de pagamento.
1.- Están obrigados ó pagamento aqueles que se beneficien do servizo prestado a que se refire o artigo anterior e que resulten matriculados como alumnos nas escolas deportivas municipais.
2.- A obriga de pagamento nace no momento de formalizar a correspondente matrícula, sen que poda iniciarse a asistencia as actividades, en tanto non se satisfaga o prezo público que orixine a mesma.
Artigo 4.- Normas de xestión.
1.-O importe do prezo público por cada curso, dependerá do número de actividades ou modalidades nas que o alumno se inscriba.
