Quiero saber acerca de...

4

Núm. 055 sábado, 7 de marzo de 2020

BOP Lugo
Lugo, 28 de febreiro de 2020.- O Presidente, P.D. Decreto de data 26-07-2019 O DEPUTADO DELEGADO DE
PROMOCIÓN ECONÓMICA E SOCIAL, Pablo Rivera Capón.
R. 0512

CONCELLOS
CHANTADA
Anuncio BASES E CONVOCATORIA PARA A CONCESIÓN DE SUBVENCIÓNS PARA A REHABILITACIÓN DE EDIFICIOS E
VIVENDAS NA ÁREA DE REHABILITACIÓN INTEGRAL NO MARCO DO ACORDO DA COMISIÓN BILATERAL
CELEBRADA O 22 DE OUTUBRO DE 2019, RELATIVA Á ÁREA DE REXENERACIÓN E RENOVACIÓN URBANA DO
CASCO ANTIGO DE CHANTADA LUGO 14 FASE, NA COMUNIDADE AUTONOMA DE GALICIA. PLAN ESTATAL
2018 - 2021.
En virtude do Real Decreto 106/2018, do 9 de marzo, polo que se regula o Plan Estatal de Vivenda 2018-2021, e en desenvolvemento dos acordos da Comisión Bilateral celebrada o 22 de outubro de 2019, relativo á Área de Rexeneración e Renovación Urbana Casco Antigo de Chantada e en relación ao papel xestor do Concello de Chantada para a execución do Plan e o seu compromiso na elaboración dunha convocatoria para a concesión das subvencións neste acordo.
Resultando que en base ó referido convenio este Concello no seu papel xestor para a execución do Plan, debe realizar a convocatoria para a concesión de subvencións previstas no acordo, ata un máximo de 17 actuacións ou ata esgotar o orzamento máximo.

Base 1.- Obxecto A presente convocatoria ten por obxecto establecer o procedemento de concesión das axudas ao abeiro do Convenio asinado entre o Ministerio de Fomento, a Consellería de Medio Ambiente, Territorio e Infraestruturas e o Concello de Chantada, o 22 de outubro de 2019, relativo a concesión das axudas para a área de rexeneración e renovación urbana do casco antigo de Chantada, 14 Fase, no marco do R.D. 106/2018, de 9 de marzo, polo que se regula o Plan Estatal de Vivenda 2018-2021.
Base 2.- Ámbito territorial desta convocatoria O ámbito no que será de aplicación esta convocatoria é o da ARI do Casco Antigo de Chantada, declarada pola Consellería de Política Territorial, Obras Públicas e Vivenda da Xunta de Galicia o 5 de xuño de 2000.
Base 3.- Tipos de actuacións subvencionables As obras para as que se solicitan as axudas deberán estar comprendidas nun ou máis dos seguintes apartados:
1. Mellora da eficiencia enerxética e a sostenibilidade das vivendas unifamiliares illadas ou agrupadas en fila:
a A mellora da envolvente térmica da vivenda para reducir a súa demanda enerxética de calefacción ou refrixeración, mediante actuacións de mellora do seu illamento térmico, a substitución de carpinterías e acristalamentos dos ocos, ou outras, incluíndo a instalación de dispositivos bioclimáticos e de sombreamento.
b A instalación de sistemas de calefacción, refrixeración, produción de auga quente sanitaria e ventilación para o acondicionamento térmico, ou o incremento da eficiencia enerxética dos xa existentes, mediante actuacións como: a substitución de equipos de produción de calor ou frío, a instalación de sistemas de control, regulación e xestión enerxética; o illamento térmico das instalacións de distribución e transporte ou a substitución dos equipos de movemento dos fluídos caloportadores; a instalación de dispositivos de recuperación de enerxías residuais; a implantación de sistemas de enfriamento gratuíto por aire exterior e de recuperación de calor do aire de renovación e a conexión de vivendas a redes de calor e frío existentes, entre outros.
c A instalación de equipos de xeración ou que permitan a utilización de enerxías renovables como a enerxía solar fotovoltaica, biomasa ou xeotermia que reduzan o consumo de enerxía convencional térmica ou eléctrica da vivenda. Incluirá a instalación de calquera tecnoloxía, sistema, ou equipo de enerxía renovable, como paneis solares térmicos e soluciones integrais de aerotermia para climatización e auga quente sanitaria, a fin de contribuír á produción de auga quente sanitaria demandada pola vivenda, ou a produción de auga quente para as instalacións de climatización.
d As que melloren o cumprimento dos parámetros establecidos no Documento Básico do Código Técnico da Edificación DB-HR, protección contra o ruído.

Anuncio publicado en: Num BOP 55 año 2020 07/03/2020
06/03/2020 08:00:00
11:59:04

Na redacción destas bases tívose en canta o disposto na vixente Lei 38/2003 do 17 de novembro xeral de subvencións, aplicable ás entidades que integran a Administración Local, e na Lei 9/2007 do 13 de xuño de subvencións de Galicia, en tanto que normas reguladoras das bases de concesión das subvencións.