Quiero saber acerca de...

11

Núm. 025 venres, 31 de xaneiro de 2020

BOP Lugo
No suposto de empate nas puntuacións cualificacións finais, tendo en conta o artigo 37 da Lei 7/2004, do 16 de xullo, galega para a igualdade de mulleres e homes, cando nun determinado corpo, escala, grupo ou categoría da Administración Pública Galega se verificará a infrarrepresentación do sexo feminino, o empate resolverase a favor da muller.
No resto de supostos o empate resolverase acudindo á maior puntuación obtida primeiro na fase de oposición, segundo na fase de concurso, e se persiste o empate procederase a realizar un sorteo público.
17. PROPOSTA DE SELECCIÓN E PUBLICACIÓN.
O Presidente do Tribunal, á vista das cualificacións finais das persoas aspirantes, que superaron o proceso selectivo, formulará proposta ante a Alcaldía, Publicación.- A proposta do Tribunal, publicarase no Taboleiro de anuncios e na páxina web do Concello.
18.- PRESENTACIÓN DE DOCUMENTACIÓN.
A persoa seleccionada presentará os seguintes documentos mediante copias compulsadas ou, se é o caso, orixinais:
a Certificado médico acreditativo de non padecer enfermidade nin defecto físico que impida o desempeño das funcións a desempeñar que se sinalan nas bases específicas.
b Declaración xurada de non ter sido separadas do servizo das administracións públicas e non estar incursas nalgunha das causas de incapacidade ou incompatibilidade determinadas na lexislación vixente.
c Fotocopia compulsada da tarxeta da Seguridade Social e número de conta bancaria.
d No caso de ter a condición de discapacitadas deberá presentar a certificación acreditativa do grado de discapacidade, tendo facultade a Entidade para que solicitar ao órgano competente a compatibilidade para desempeño funcional da praza/posto/emprego.

Prazo de presentación. O prazo de presentación será de 5 días naturais contados a partir do día seguinte á publicación da proposta de selección no taboleiro de edictos, prazo que poderá ampliarse cando as persoas seleccionadas acrediten que non puideron presentar algún documento por causas alleas á súa vontade.
En todo caso no prazo de 10 días naturais, computados dende a data da toma de posesión ou sinatura do citado contrato, as persoas seleccionadas estarán obrigadas a presentar a devandita documentación, xa que no caso contrario, procederíase ao seu cesamento automático, agás en supostos de forza maior.
19. RESOLUCIÓN DO PROCESO SELECTIVO.
Á vista da orde de aspirantes proposta polo Tribunal, a Alcaldía resolverá o procedemento selectivo co nomeamento do aspirante seleccionado.
20. TOMA DE POSESIÓN.
Realizarase de forma inmediata ao chamamento de incorporación debido a urxencia da incorporación.
21. DEREITO SUPLETORIO E XURISDICIÓN.
No non sinalado nas presentes bases, estarase ao establecido na normativa básica sobre selección de persoal ao servizo da Administración Local e demais normas que resulten de aplicación, estándose aos órganos competentes da Xurisdición Contencioso-Administrativa para dirimir as controversias que se produzan na aplicación destas.
22. RECURSOS.
Contra a resolución pola que se aproban as bases desta convocatoria, definitiva en vía administrativa, poderán as persoas interesadas interpoñer potestativamente recurso de reposición ante a Alcaldía no prazo dun mes contado a partir do día seguinte da súa publicación ou ben interpor recurso contenciosoadministrativo, ante o correspondente Xulgado do ContenciosoAdministrativo, no prazo de dous meses e na forma prevista na lexislación reguladora da dita xurisdición, sen prexuízo de que poidan interpoñer calquera outro que estime procedente.
Xove, 24 de xaneiro de 2020.- O Alcalde. Jose Demetrio Salgueiro Rapa.
R. 0183

Powered by TCPDF www.tcpdf.org
Anuncio publicado en: Num BOP 25 año 2020 31/01/2020
30/01/2020 08:00:00
11:11:52

Lugar de presentación. Os devanditos documentos presentaranse polos mecanismos establecidos na base 9.