Voglio sapere a riguardo di…

MÉRCORES, 19 DE MAIO DE 2021

N.º 111

XUNTA DE GALICIA
CONSELLERÍA DE INFRAESTRUTURAS E MOBILIDADE. AUGAS DE GALICIA. SUBDIRECCIÓN
XERAL DE XESTIÓN DO DOMINIO PÚBLICO HIDRÁULICO
Anuncio INFORMACIÓN PÚBLICA
CLAVE: DH.V27.76829
PREBETONG ÁRIDOS, S.L.U., de conformidade co artigo 245 do Regulamento do dominio público hidráulico, solicita autorización para o vertido dun caudal máximo de 287.682,62 m3/ano de augas residuais industriais e de escorrega depuradas a un afluente innominado do rego Guillán cunca da ría de Viveiro e dun caudal máximo de 152 m3/ano de augas residuais fecais depuradas por infiltración no terreo procedentes da explotación mineira Abilleira Nº113 localizada no lugar de Grande Abilleira A Rigueira t.m. Xove.

As augas residuais industriais de escorrega xeradas na zona de extracción recóllense na balsa intermedia A de 210 x 20 m2 de superficie e 3 m de profundidade, localizada no oco da canteira.
As augas residuais industriais de escorrega xeradas na zona de instalacións na que se localizan a planta de tratamento de áridos, unha planta de formigón e outra de aglomerado e as augas residuais industriais correspondentes ás perdas do sistema de lavado, son recollidas en dúas balsas intermedias, B e C, dispostas en serie, de 72 x 8 m2 e 20 x 8 m2 de superficie, respectivamente, ambas de 3 m de profundidade.
O efluente da balsa intermedia C condúcese mediante cuneta á balsa de decantación final, situada no banco máis profundo da canteira, de 35 x 35 m2 de superficie e 8 m de profundidade, e que tamén recibe as augas residuais industriais de escorrega xeradas na zona sueste da zona de instalacións, así como o eventual rebouse da balsa intermedia A, que dá servizo á zona de extracción.
Ademais, existe outra balsa intermedia D, de 6 x 6 m2 de superficie e 3 m de profundidade, que recibe parte das augas residuais industriais de escorrega xeradas na parte leste da zona de instalacións, antes de conducilas á balsa de decantación final.
O efluente da balsa de decantación final vértese no punto de coordenadas UTM ETRS89: X=617.181;
Y=4.836.574; incorporándose a un afluente innominado do río Guillán cunca da ría de Viveiro no punto de coordenadas UTM ETRS89: X=617.200; Y=4.836.615. O vertido efectuarase en fervenza mediante pedras de coieira, para disipar a súa enerxía cinética.
As augas residuais fecais xeradas no edificio de oficina-vestiarios son tratadas nunha fosa séptica de decantación-dixestión con prefiltro en PRFV deseñada para 12 habitantes equivalentes de 2.200 L de capacidade constituída por dous compartimentos, de 1,23 m de diámetro e 1,97 m de lonxitude. As augas residuais fecais depuradas vértense por infiltración no terreo cunca da ría de Viveiro mediante condución de PVC de 110 mm de diámetro e 3 m de lonxitude en zanxa filtrante de 375 m2 de superficie e 6 m de espesor, no punto de coordenadas UTM ETRS89: X=617.133; Y=4.836.390.
O que se fai público para xeral coñecemento por un prazo de TRINTA 30 DÍAS, contados a partir do seguinte día á data da publicación no Boletín Oficial da Provincia do presente anuncio, co fin de que os que se consideren prexudicados poidan presentar as súas reclamacións, durante o prazo sinalado, nas oficinas da entidade Augas de Galicia da Consellería de Infraestruturas e Mobilidade sitas na praza Camilo Díaz Baliño de Santiago de Compostela, e no Servizo Territorial Norte de Augas de Galicia sito no Edificio administrativo da Xunta de Galicia en Monelos, na rúa Vicente Ferrer, núm.2 9º andar da Coruña, onde se atopa exposto o proxecto para que poida ser examinado por quen desexe.
Santiago de Compostela,12 de abril de 2021.- Xefa da Área de Vertidos - Leticia Valladares López.
R. 1370

Anuncio publicado en: Num BOP 111 año 2021 19/05/2021
18/05/2021 08:00:00
11:41:54

As augas residuais industriais de escorrega xeradas nas instalacións xestiónanse do seguinte xeito: